مجله رمضان

رمضان كريم ...كل سنة وانتم بخير...

مجلة رمضان


طبعاً في ناس فاكرين الأسم ده .. وناس اول مرة تسمعه

السنة اللي فاتت عملنا موضوع بنفس الأسم ولاقى نجاح مش قد كده ...بس عندي أمل السنة ده نلاقي نجاح اكبر...

الفكرة ..

خلال الشهر الكريم هايكون في قسم خاص بشهر رمضان المبارك هانعمل فيه موضوع اسمه مجلة رمضان ...

طبعاً رمضان 30 يوم او 29

كل يوم عضو من الاسره هو اللي هايعمل العدد

هايكون كل عدد في موضوع لوحده هايكون عنوانه

(( العدد رقم .......... من مجلة رمضان ))

وهايكون في موضع شامل فيه كل الأعداد ده من مجلة رمضان في الأعداد مجمعة

طبعاً الفكرة واضحة بالذات للناس اللي معانا من السنة اللي فاتت

شارك معنا في المجلة السنة اللي فاتت 12 عضو بس ... منهم ناس لسه موجودة وناس مشيت وناس بتغيب وبترجع...

خريطة المجلة اليومية :-

كان السنة اللي فاتت الخريطة تختار موضوع ... وبعدين تجيب ايه من القران الكريم ..ثم حديث شريف ... ثم تتحدث عن الموضوع عن طريق الأثر وعلماء المسلمين ...

لا بقى ... السنة ده الموضوع هايكون على كيفكم بس طبعاً هايكون في استشهاد بالقرأن والسنة النبوية ..

وممكن كل عضو يفكر في عدده اللي هايختاره بأفكار جديدة.....

دلوقتي كل مرعب او مرعبة حابب يشارك
يدخل ويعمل اقتباس للايام الجاية ده ويكتب اسمه قدام اليوم اللي ناوي يعمل فيه المجلة ...

كده بقى عالمكشوف يعني محدش يقدر يختار يوم ويخلع منه زي ماكان بيحصل السنة اللي فاتت

كله كده على الملأ

وفي ملاحظة حلوة العدد لازم ينزل ما بين الساعة 12 من منتصف الليل وحتى الساعة 12 من ضهر اليوم اللي هاتنزل فيه المجلة ولو حصل و اللي عليه الدور محطش العدد بتاعه هاضطر انزل عدد من اللي هاكون عملهم احتياطي

يا جماعة خلونا نشارك في حاجة حلوة .....

t i t a n i c




.:: قَدْ جَاءَكُمْ رَمَضَانُ شَهْرٌ مُبَارَكٌ افْتَرَضَ اللَّهُ عَلَيْكُمْ صِيَامَهُ تُفْتَحُ فِيهِ أَبْوَابُ الْجَنَّةِ وَيُغْلَقُ فِيهِ أَبْوَابُ الْجَحِيمِ وَتُغَلُّ فِيهِ الشَّيَاطِينُ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا قَدْ حُرِمَ ::.