حال الشباب المسلمين

بسم الله الرحمن الرحيم
السلام عليكم ورحمة الله وبركاته
بعد الصلاة والسلام على النبي المصطفى محمد

ندخل فى الموضوع

حال الشباب دلوقتى حال مفيش منه امل

مش كل الشباب معظمهم

تقول للواحد فيهم قوم صلى

يضحك بصوت عالى كأنك بتقوله نكته ويقول:خدنا على جناحك وانتا داخل الجنه يا عم الشيخ بإستهزاء وسخريه
ولكنه لا يعلم ان كل سخرية يسخرها تذكر له كأثم كبيير

وياسلام لو حد قاله متسمعش اغانى يابنى يضحك بصوت اعلى واعلى:مين ههه الى ههه اللى حرمها انت بتخرف من عندك

امش امشى امشى روح شوف حالك وانا هبقى اربى ذقنى واجيلك اصلك انتا اتخبطت فى دماغك على كبر

واللى يغيظ تشوفه بيكلم بنات وتقوله يابنى عيب انتا مش ترضا اختك تقف مع ولد تتكلم معاه كدا يبوصلك بنظره كأنه شايفك
مجنون ويقولك: ماتقف يا عم هو حد حايشها انا اخ ديمقراطى

ولما تيجى تدخل عليه وهو بيشرب سيجاره وتقوله حرام عليك يابنى انت كدا بتخسر صحتك وفلوسك فى بتاع مضر اصلا بيك وكدا حرام انت كدا تعتبر من المبذرين والمبذرين اخوان الشياطينيضحك بصوت كأنه هيقتلك بضحكته ويقولك يابنى انا والشيطان اصحاب هو كل يوم يدينى مسد الصبح وانا ارد بمكالمه مبساخسرش فيه حاجه

وبعدين انت مالك كدا بقالك كام يوم عملنا فيها عمرو خالد وعمال تدى نصايح فى الدين انت استشيخت ولا ايه

تقوله لا ربنا هدانى

يقاطعك ويقول ربنا يهديك انت انت هههههههههههههههههههه

تقوله انا غلطان انا كنت عاوز انصحك علشان ربنا يهديك علشان ماتخشش النار

يضحك ويقول كأنه مستهزء بالنار ويقول انا يابنى حاجز جناح خاص هناك ههههههههههههههه خلى نصايحك لنفسك يا خيا ولو حابب تستشيخ استشيخ بعيد عننا احنا ش بنقبل فى الشله بتعاتنا مشايخ

تقوله طب انت مسلم ولا مسيحى

يقولك مسلم طبعا

تقوله طب المسلم مش مفروض يصلى ويصوم وميعرفش بنات وميرهقش فى صحته وكمان ميكونش مبذر

يرد يقول وهو مش لاقى مبرر غير انه يقول يابنى احنا لسه صغيرين وقدمنا العمر كبير

تقوله انت ضامن انك تعيش ثانيه كمان

يقولك لاء بس

تقاطعه وتقوله لو مش لاقى مبرر ليه مش بتصلى ليه مش بتصوم ليه متزكيش بالفلوس اللى انت بترميها فى السجاير وبتصرفها على صحباتك

يقولك بص بقا مش عاجبك حالى فى ناس اكتر من كدا بكتير ومش تعمل شيخ عليا لو صحيح انتا متدين كدا وفر دينك لحاجه تنفعك ومتقرفناش

هو انت ععلشان اتعلمتلك كلمتين جاى تتنط علينا بيهم اتكل على الله يا عم الحاج انت لو هتتدنك كدا مش عاوزين نكون صحاب مع السلامه

وتمشى وانت مضايق وزعلان

يرضيك اخى المسلم ان ترى اخيك بمثل هذا الوضع وهل انا مخطئه فيما قلته؟

ويرضيك اختى المسلمه ان يكون لكى اخ فى هذا الوضع وهل انا مخطئه فيما قلته؟

اترك لكم الأجابه